Gryp

by

Sûnder dat wy nei Mexico west hiene krige ik de gryp. Mar ik tink dat it in Fryske fariaasje der op wie. Krekt sa hommels en dwers. Okkerdeis hawwy mei in taxi riden en de sjaufeuze hoase har ùtelkoar. It wie in simpetyk frommiske en de reis wie net djûr. Mar dat der it grypfirus [Lês mear »]

Gryp

by

Sûnder dat wy nei Mexico west hiene krige ik de gryp. Mar ik tink dat it in Fryske fariaasje der op wie. Krekt sa hommels en dwers. Okkerdeis hawwy mei in taxi riden en de sjaufeuze hoase har ùtelkoar. It wie in simpetyk frommiske en de reis wie net djûr. Mar dat der it grypfirus [Lês mear »]

De brêgewachter Eartiids wie alles écht better

by

In soan fan ús hat hiel lang brêgewachter -wipper- west op ferskate brêgen yn Fryslân. Prachtich wurk fûn hy dat. Direkt kontakt mei minsken.

Ien brêge wie syn favoryt. Dat wie in brêge wer wol gauris skûtsjeskippers lâns kamen. Dy ferfierden dan fean en túnmodder. Se kamen dan altyd efkes by him om in praatsje en in bakje kofje. Troch dat sy geregeldwei by him lâns kamen ûntstie er in wisse freonskip.

Der waard him fan alles ta betroud. Húshâldlike problemen thús as bygelyks it ferlies fan in bern. Mar as it wurk ôfrûn wie bleaunen de ferhalen yn it brègehokje achter, dat wie de ôfspraak.

Hoe folle moaie beroppen binne sa net ferdwûn.

Nim no bygelyks de wyksuster dy elke bewenner fan har omkriten koe. De molkekarre dy alle dagen lâns kaam mei syn boekje. De plysje dy yn it doarp wenne. De man fan de fersekeringen en de húshier; sy kamen eltse moanne lâns.

Om dan mar oer de postboade te swijen… Wat koe dy eltsenien. Hy sei gewoan tsjin myn mem: ”Jo krije moarn in iter..” Dat hie hy al fêst mar lêzen.

Mar jimme witte grif wol mear beroppen fan eartiids. Se binne allegearre fuort, de sosjale earmoed kaam der foar yn `t plak.

Dizze minsken fan eartiids binne de pylders fan ús bestean.

Ferjit se net!

Read more

Smoke Lit my dochs.

by

Binne jo ek in smoker? Wat mysels oangiet: ik moat it earlik ta sizze… ja. Mar sa as elke ferslave sis ik:  ‘Ja, ho es efkes, ik bin mar in smoute smoker!’ Mei oare wurden: it hat neat om‘e hakken. Sa folle smook ik net. Mar wat my it measte dwers sit is it kommentaar [Lês mear »]

Freonskip

by

Ha jimme ek freonen en hoefolle? As jo minsken der nei freegje, dan wurd er faaks sein: o, ik ha sa folle!  Mar ek wol wurd er sein: ik hoech  gjin freonen, ik ha net ien nedich. As ik by mysels nei gean, dan kin ik noch al wat minsken. Mar werom, wy wenje en [Lês mear »]

De skipper Fan jonkje nei man

by

We binne ûnderweis nei Mook: myn soan fan fyftjin en ik. We hawwe gjin idee wat ús te wachtsjen stiet. We hawwe de kaart er by. Sa witte wy dat it by Nimwegen leit.

Yn de yntimens fan myn auto geane we tegearre op wei. We sizze net folle want wat falt der te bepraten? We sjogge der beide ôfgryslik tsjin oan om ôfskie fan inoar te nimmen. Hy sil in oplieding folgje foar skipper, op in ynternaat.

It begrut mij ta de tienen út. Noch nea fan hûs west. Hoe soe dit út pakke?

Myn man ek ik ha hiel wat ynformaasje ynwûn foar dat wy ta dit beslút kamen. It wie in roomsk ynternaat mei in izeren dissipline en wart bestjoerd troch âld skippers. Fan alle fiif ynternaten dy ús lân riik wie sei men dat dit de beste wie.

Nei dat wy kennis makke hiene mei direkteur en stêf, riid ik nei hûs. Ik ha it hiele ein it net droech hâlde kint.

Dû ik amper thús wie gong de telefoan mei in wanhopige soan oan de line. ‘Mem moat my dalik ophelje want jo moatte hjir de hiele dei op de knibbels krûpe! En as mem my net dalik ophellet rin ik foart!’ Myn andert wie: ‘Do past dy mar oan, ik helje dy net op.’

Ik ha in minne nacht hân.
Twa wike letter kaam er thús en prate nearne oer. Op myn fraach;‘Moast noch de hiele tiid op de knibbels krûpe?,’ sei er wat achteleas: ‘O, dat… dat wie ûntgriening….’

Wy hawwe it nearne wer oerhân. Mar dizze jonge is keardel wurden troch dat skippersynternaat.

Hy hat fan alles mei makke, it measte wart net ferteld. Hy en syn maten moasten fan alles ûndergean. Jonges út stêden as Rotterdam dy it libben ûnmooglik makken.

Mar kleie lei net yn syn karakter. Dû de grutte dei oanbruts fan de eksamens slagge hij as de bêste learling. Net mei de heechste sifers, mar mei de grutste ynset.

En no fart hij al jirren as kaptein op de Rijn, de binnen- en de kustfeart. Wy ha grutte bewûndering foar dizze jonge, dy’t net in learder wie mar in trochsetter…

Read more

>